نسيم ٿيٻو
نسيم ٿيٻو
نسيم ٿيٻو : سنڌي ٻوليءَ جي نامياري ڪهاڻيڪاره ۽ دانشور خاتون نسيم ٿيٻو 1 اپريل 1948ع تي گهاڙي، (ٿيٻن جي ڳوٺ) تعلقي ميهڙ ۾ مير عبدالباقي ٿيٻي جي گهر ۾ جنم ورتو. سندس والده بيگم بادام ناتوان، پنهنجي دور جي بهترين ليکڪا هئي، جنهن ’خوش خصلت خاتون‘ جهڙو آدرشي ڪتاب لکي ادبي ميدان ۾ مڃتا حاصل ڪئي، اهو ڪتاب پوءِ سنڌي ادبي بورڊ ڇاپي پڌرو ڪيو. نسيم ٿيٻو ملڪ جي ناليواري سياستدان رسول بخش پليجي جي گهر واري ۽ ناليواري ڪميونسٽ اڳواڻ مير ٿيٻي جي ڀيڻ هئي. پليجي صاحب سان سندس شادي 1968ع ۾ ٿي، جنهن مان کيس تانيا ۽ انيتا نالي ٻه نياڻيون پيدا ٿيون. ٻئي ادبي کيتر ۾ ڄاتل ۽ سڃاتل ليکڪائون آهن. نسيم ٿيٻو پيشي جي حوالي سان سنڌ يونيورسٽيءَ ۾ اقتصاديات جي شعبي ۾ اسسٽنٽ پروفيسر جي عهدي تي رهي ۽ 2000ع ۾ رٽائرمينٽ ورتائين. نسيم سنڌي ادب جي سٺي ليکڪا هئي، خاص ڪري ڪهاڻيءَ ۾ کيس مخصوص سڃاڻپ ۽ حيثيت حاصل رهي. هن 80-70 وارن ڏهاڪن ۾ تمام سٺيون ۽ ڇرڪائيندڙ ڪهاڻيون لکي ادبي حلقي ۾ پنهنجو ڌاڪو ويهاريو. هن اٽڪل 25 ڪهاڻيون لکيون. 80 واري ڏهاڪي کانپوءِ هن لکڻ گهٽائي ڇڏيو. رٽائرمينٽ کانپوءِ هن ڪراچيءَ ۾ سچل ڳوٺ واري علائقي ۾ رهائش اختيار ڪئي. نسيم ٿيٻو جا ناناڻا شڪارپور جا ويٺل هئا، تنهنڪري هن جو ننڍپڻ ۽ جواني به شڪارپور ۾ گذري. سندس ڪهاڻين جو مجموعو ’اُڀر چنڊ پس پرين‘ سنڌي ادبي بورڊ ۾ 2013ع ۾ ڇپائي پڌرو ڪيو آهي، جنهن جو مرتب دين محمد ڪلهوڙو آهي. . نسيم ٿيٻو 19 مارچ 2012ع تي 64 سالن جي ڄمار ۾ وفات ڪئي. سندس ٻه ڌيئرون تانيا ٿيٻو ۽ انيتا ٿيٻو ليکڪائون آهن.
لفظ نسيم ٿيٻوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1948.04.01 عيسوي
سنڌي ٻوليءَ جي نامياري ڪهاڻيڪاره ۽ دانشور خاتون نسيم ٿيٻو 1 اپريل 1948ع تي گهاڙي، (ٿيٻن جي ڳوٺ) تعلقي ميهڙ ۾ مير عبدالباقي ٿيٻي جي گهر ۾ جنم ورتو.
2012.03.19 عيسوي
نسيم ٿيٻو 19 مارچ 2012ع تي 64 سالن جي ڄمار ۾ وفات ڪئي.
اديب - ڀاڱي جون ٻِيون داخلائون
بادام ناتوانپلي معمور يوسفاڻي
عشرت علي خان
سحر انصاري
غلام حسين شيخ
رزاق سروهي
دين محمد ڪلهوڙو ڊاڪٽر
امين مگسي
محمد خان سيال
ڄيٺواڻي هريڪانت